壞人日記

Lunch之後..  boss已經叫左我入房..  boss講野既口音真係好似我英國以前一個fd.. 因為我個fd有一半既德國血統..  一開始report一下三間公司既 ‘performance’.. 然而boss也開始同我傾我上手同阿叔既事..  佢覺得阿叔好怕佢.. 乜都係去到最後一刻先同佢講..  而德國果個大老細亦好唔鐘意呢件事..  而佢地2個覺得阿叔處理事既方法.. 已經過時.. 已認為我管理既方法較modern..  之後我都好老實討論了我之前點樣清理之前處理上手留比我果堆垃圾既事..  亦都講左我問過tina (起公司做左4個月既reception.. 英國讀完會計番黎)點解唔接上手個位.. tina答我怕afford唔倒..  當然啦.. 由上年audit之後.. 半年都冇做過bank rec.   而boss都講番.. 佢都有request個tina.. 得到同一樣既答案..  點解作為一個上司可以咁放任自己既部下..  之後boss話上一手既reception做左10年.. 阿叔應該係admin同acc.既manager.. 但起boss眼中.. 個reception先係阿叔既boss..  話佢個人太 ‘soft’..  最後boss話+我 xxxx.. probation 今日過..  then我同佢解釋我想 再加 xxxx.. 因為我xxxxxxxxxxxxxxxxxxxxxxxxxxxxxxxxxxxxxx..  之後佢話冇問題.. 因為佢話佢都係男人.. 明白我有這私人理由..  (心中大叫成功啦~)  最後佢就話下個月就會問下阿叔幾時退休.. 而佢同德國老細都想我replace佢.. 到時人工就會再加 xxxxx..  問題我同佢講.. 會計既野.. 我識.. 管理人事關係..  boss已經stop左我..  話咩hk既勞工regulation.. mpf果d唔係好難…  而佢想到時tina做我助手…  fxck..  我既計劃去到呢度出事了..  我既計劃係想Jenny做我助手的..  睇黎下一個計劃又要開始了..  升左職.. 所有會計既野我take care晒.. (雖然由我做果時已經係咁了 /  \)

結果..  革命算係成功了的..  升職加人工..  試用期提早晒pass左..  第一次有自己的卡片..  而重點係..  第一次得到別人高評價的信任..  這一點真係好開心..  而最早知道消息既.. 都係小美, 醫生同kinkin..  因為攪革命之前.. 都已經同佢地討論左好耐了.. 點都要thx佢地一下既…

放左工之後.. meet up jenny去睇 transformer 2..  有d笑位真係好好笑..  睇9.20果場… 嘩…睇到12:00先散場..  暈左..

同jenny傾過..  而家咁樣計.. 而家可以比一成首期, 過多陣2成都可以了...  continue投資股票… 加埋人工..下年應該可以冇問題..  其實.. 我只係想親手建立一個家.. 唔想學d人.. 個仔結婚.. 都要問老豆老母拎$$..  我黑仔..  六合彩果d唔中.. 就全世界既人都知了..  當訓覺時.. 諗住可以好訓.. 點知個腦又開始轉了..  死啦..  點樣去管人呢..  一個reception.. 一個office boy.. 仲有個助手..  之後又諗.. 其實 so far 公司transaction唔多.. 我係唔係真係需要一個助手呢…  then再諗..  如果比個助手做.. 之後自己又要check..咁不如自己做好過..  又諗.. 咁如果佢做錯野..  我應該應該鬧佢呢..  唉.. 最後.. 又失眠多晚…

lunch要請屋企人食飯.. 而家等緊jenny黎..  @@  到最後都係果句..  幸福.. 係要自己爭取的..

應該由那裡就起好…  因為今日係我人生既令一個轉折點…  好想詳盡地記下來..  但同一時間.. 又怕那誤會之神又番黎re-visit我..  所以要小心點記錄下來..

 我將我的日記名.. 改了作壞人日記..  我想都幾配我本人既作風..  由番工既第一日已經計劃著的事..  今日終於實行了.. 

 這段日子.. 每日訓之前都會幻想到時同老細傾時..  應該點講呢..  失控地想著..  都失眠左一段日子..  最後抽埋1361之後..就仲多野諗.. (即日放左 @@ )  好在jenny都唔介意地陪我傾電話..  而好處係..  個人消瘦左少少…  我想今晚有攪好訓了..  我唔鐘意我果種一去旅行之前果日就訓唔著既小朋友性格..  但果種心跳突然加速地幻想明天未發生的事..  係真係攪到我訓唔倒的..  整整個幾月既失眠.. 終於解放了.. 點知..  原來開始有 ‘令一件事’ 開始要想.. 

 之前跟德國那邊的會計師同大老細工作過一段時間.. 原因係..  我地公司一年前轉用了會計軟件.. 係德國既..  真係好難用..  做做下野會post唔倒野.. 原因係要起一個極少既角落click一個制先可以做倒某一樣野.. 而德國果個會計師… 英文唔係好掂.. 所以搵左大老細黎做translator..  我地就係咁透過電話..  教晒我成個軟件點用..  ada 話我上手唔識英文..  阿叔又唔肯學..  先攪到我一落場就面如死灰..  好在而家終於d野上番晒軌道了..  而這件事.. 德國果邊老細有同我而家hk果邊既boss講番..  之前日誌所指的打好關係..  就由這時開始.. 

Ava 佢地話..  叫我去見老細之前..  同阿叔傾下先..  意見接受..  問題係佢一聽到我開出既條件.. 佢就已經即話冇可能.. 又話最多加番我以前既人工再多少少.. 等11月review時再加.. (因為我搵工時reduce左少少之前果個人工)  我冇黑面.. 我只有同佢講..  我會直接同boss傾..  之後在這個meeting佢批評我個人唔識同人相處..  成日好似玩自閉咁..  我直接答佢.. 我想keep著一種independence..  所以就算有咩事都唔會bias on one side.. 而且阿叔已經做左我跟其他同事既media..  我做好我既工作就可以了..  之後佢又話做admin既唔可以咁.. 要同d人好和諧地工作..  我心諗.. 佢講既野真係廢話到爆..  之前果間公司我已經對人失去晒所有信心..  lunch自己帶飯.. 唔洗出去同佢地去食social.. 開部laptop打下機都唔知幾好..  每個同事也帶著一個假面具..  除左身邊既朋友..  真係唔好打攪我..   批評我個人唔識同人相處.. 你都未見識過我起婚紗展時幫手既look..  20分鐘既對話完左..  傾左等於冇傾.  只係不斷提我話我一講個offer出黎老細會黑面…  叫我唔好企硬. 我覺得做錯了..  應該一開始就跟boss傾.. 晒左我20分鐘既時間..

對上那一篇blog.. 原來已經是一個月之前既事了..  起0壓力既情況下..終於考完6月既試了..  仲有一個6月20既..  果個就..  注定要用運氣去衝了.. 目標係打底邪后ava..  呵~

5月既時候.. 見番晒d小學同學仔..  番番去之前間小學..  facebook真係偉大..  so far 已經搵番27人out of 40人..  有d真係靚女左又素左好多..  真係好掂 @@  下一次既活動係包船去吊墨魚..  好在撞唔正7月婚紗展吧.. 

講起婚紗展.. 6月頭的那次已經係我跟jenny第二次去幫手…第一次時仲撞倒熟人.. 世界真係細呢..  可惜當時掛住同d客傾計睇唔倒..  今次遇到一個女仔真係..  好難頂..  係果種.. 講野時冇表情.. 只會個口郁..  句句都起度跟跟計較.. 最討厭跟這種人打交道..  番街市please…  望下個男既仲火.. 全程一句野都冇講過.. 縮埋一邊.. 死得佢用d好敬佩既眼神望住個女仔..  全場得個女既講..  唔怪得jenny坐左起度5分鐘都冇就行開左..  而我頂唔著1分鐘都收兵..  其實我地幫手既定義..  都係同d有興趣既朋友傾下我地去影相時既趣事同經過..  有一pair好sweet sweet既情侶..  傾傾下時會問下一齊左幾耐..  點識..  好似睇緊一本又一本既愛情小說一樣..  每個人的故事都唔同..  雖然看不到最後的結局..  但我知道坐在我面前既佢地..  應該仲係起故事最開心既中段…  跟其他三唔識7既人傾計亦都係我興趣之一..  所以我都幾鐘意起度幫手既時間…  7月, 8月 都有..  走之前那些人都會叫我們下次要再來..  其中一個sales送左一盒 佳德既 鳳梨酥比我..  佢話台灣人最鐘意食呢隻..  講真.. 又真係好好食wow…  下一次再黎就係7月17.. 之後8月21.. 

tony番左黎之後.. 真係多左好多飯局.. 星期一考完之後..  星期二即約leo佢地去食dinner .. tony真係勁.. 由於jenny個阿姐唔放人..  一開始叫左比佢既餐…最後佢都可以清埋.. 夠義氣 @@  而leo等jenny時.. 又怕個位比人霸.. 所以都叫左個豆腐花食.. 用最慢既速度..  真係好好笑..  kinkin 而家都起我地果邊番工..  最經典果次.. 係一table入面有3個it人..  完全讀解不能… 我同jenny都o 晒咀 @@  d UFO 飛到走圍都係..  所有內容都係不明飛行物體…

講番今次考試..  ufo冇出現過..  不過出左隻ufo母艦..  一大堆異形蛋..  攪咩呀..  好在果條question係optional..  安全上疊..  希望今次pass…  fail唔緊要.. 唔好又係差1,2分我就唔會有hard feeling了..

工作就..  完全係hea…  令我精神既時段係開市..  直到收市..  反正要做既野真係唔多..  msn下又一日..  隻股升1蚊..  = 果個月 加左 1k人工..  抱著呢個態度hea下去都唔錯既…  下個月就過probation..  數下數下自己真係做左好多野…  跟德國那邊個老細都打好左關係..  為既都係想7月時開會可以多d條件可以傾…  岩岩尋日成功處理了一單大野..  可以加倒分吧..  作戰計劃係加50%BS!  ><~~  雖然已經比張大豬潑冷/冰水話冇可能.. 不過我都係相信幸福要自己爭取的!!

下一年會有好多假期.. 朋友仔每個月save少少錢錢.. 一齊去日本北海道出發吧!..  (可能最後得2個人出發)..

好似..  review得差唔多了..  最後要記下來的..  是我上一個月真係好好唔開心既事..  到現在可以面對了..  小學meeting時知道..  我們這一班..  永遠都冇可能可以再在一起了..  因為..  其中一個朋友.. 已經因為cancer而離開了…  我怕jenny擔心..  所以冇乜點過..  不過那一個星期屈起心入面的感覺.. 真係幾辛苦下..  怪自己點解番hk後唔積極少少去搵番之前既朋友仔..  點解要做那些.. 甚麼也沒做就被其他人找到..  而不是去作找尋那一邊..  如果是這樣.. 我也應該趕到看他的最後一面..  對這件事真是很無力..  好地地的一個人生..  只得20多年真是太短了..  就算我們現在如何抱怨著生活.. 埋怨著伴侶時.. 最少也應該想一下..  我們還不是好好地活著..  朋友呀.. 請安息吧..  而我們更應好好珍惜大家朋友仔能一齊食一餐飯既時間.. 冇人能擔保可以再有下次的..

今日有少少時間.. 可以寫下週記..  我在想..  這星期有甚麼值得記一下..  第一樣想到既係…

貓貓祺一巴車左落去小白兄既面上.. 發出一下恐怖而清翠的一聲..  小白應聲倒地..  ko @@   當然講得嚴重左而且係玩樂形式..  不過..  珍重呀兄弟.. 已經連續2星期了星期六去physical玩果個kick boxing course.. 仲有jenny, 小白, 貓貓祺去.. 都係多人好玩d既..  不過之後玩gym時去得太盡了..  成右手整傷左..  真係要認老..  玩完之後4個人meet up左 tony, tony個fd..好似叫edmond.. 仲有leon..  雖然以前同一間中學.. 不過.. 算啦.. 當又頭再認識過..  成班人食左2個幾鐘..  其實最重要都係開開心心講下笑完成整個飯局..  then 再上左小白屋企玩左陣..  走果時都差唔多11點半了 @@  我記得.. 這次係第二次去佢屋企..  真係大裝修.. 仲好有cyber feel..  果然係小白君既寢室.. 

女人錢真係好搵..  由於放左d幻仙同地殺石既關係..  所以就同張大豬去shopping下..  個sales姐姐不斷地拎d衫衫比佢試..  好多…我都接受唔倒..  一d好似睡衣咁..  一d又個女孩既畫象衫..  小童郡抽會制服..  雖然同果個sales又真係幾好傾既.. 不過佢介紹果d衫….

Sales: ‘今年男仔興high school look ar!’ 

‘唔係wow.. 件衫寫住harbor defense wow..’ 

貪心的張大豬choose左佢想要既衫衫之後.. 仲要買多條褲..  最後埋單時眼都突埋出黎..  夠我食2個月早餐了 / \

自從搵番d小學同學後.. 開始番一些第三類接觸..  亦都catch up左好多memory..  由其係一個好close既fd..  16,7年後再傾電話既感覺..  真係有趣…  

尋日上堂時比張大豬一拳打左入頸.. 下巴.. 仲有右面…  呢個仇我會起下一堂先報… 入住數先…

讓步不是因為認輸..  而是因為 ‘真的’ 愛你…

要逼自己去不想去的地方.. 感覺不舒服的地方…

在精神方面真係好倦..  有虛脫的感覺..

心裡盤算著下次的受刑時間..

雖然她沒有開口..  但抱著挑戰極限的心情去送死..

最後真係証明自己是受不了的..

那種感覺..  就像是浸在那充滿氯氣的泳池裡多個小時..

饑緊三十..  不吃東西30小時那種辛苦..

當然..所有都是本人自願參加… 

沒有人能用逼..  去進行以上活動…

有時候我也不會明白…  為何會這樣的..

但只要每次一聯想到..  所有的負面感情就會完全地爆發出來..

就像惡魔告訴我一樣....  有一個很簡單的方法去解決這問題..

簡簡單單地說一句分手..  所有的事情不是可以解決掉嗎..

不需要再為未來將會接著而來的精神極刑而擔驚受怕..

不需要再為婚後那無間地獄的開始而接受殘酷的命運安排..

書中教我們.. 要對身邊的人真心地分擔心中的痛苦..

將心事說出來的下場..  只是會增加令一個麻煩..

無奈地再增加令一件心事.. 

如果在這時候.. 有人問我一句…

‘你開心嗎…’  那就好了…

更能體諒為何有人會在酒杯的世界逃避著現實..

我的工作..  汁骨..  

對於上手那些仆街既行為..  我諗用盡我既粗口都唔可以足夠地完全地發洩所有既負面情緒..  所以只好hard swallow..  經過一星期既革命.. 由上年9月到今個月既野終於清晒…  死者留底既屍骸..  一件都汁走晒..  終於鬆一口氣..  問題來了..  兩間公司.. 一個月既transaction..  3個半鐘已經可以ko.. 比起上公司既工作量.. 真係少左3, 4倍..  咁.. 仲有7個鐘起公司..  應該做咩好…

kinkin搵倒工..  解決左對上既問題..  ava, 醫生, kinkin 3個都on msn..  我地既四人msn會議終於復活.. 

尋日 + 今日..  我都好努力做2樣野.. 1.  學習face book..  已經研究出好多功能了..  2.  努力地回憶小學時代的事…  昨天收到一個小學朋友仔的通知..  竟然一次搵到20個以上既小學同學..  真係估唔到..  問題係..  中學既記憶..  去左英國之後都差唔多冇晒.. (除左幾個兄弟既事)  被kinkin講左n次斷六親既我..  終於.. 搵番一親了..  

一邊睇老朋友既相..  一邊回想..  真係好高難度..  每個人經過社會大學既洗禮.. 每個人既樣都..  真係好難認..  對這一點有點兒感慨…現在能做的.. 就係睇下有冇miracle 既出現..  等我搵番小六本紀念冊出黎..  對我呢個失左憶既老人… 應該會好有幫助..  希望起meeting 時..  記得幾多得幾多… @@

說真的.. 昨天的那場羽毛球.. 真是盡興 @@  8個人打一個場..仲要係3個鐘..  人老了.. 真係0進取心.. 失去了以前對勝負那種執著…  反而更珍惜朋友們在一起的時間..  試問在將來大家有自己的家庭時..  仲會唔會有好似今次既機會… then.. 一眾人去左富山食日本野..  我覺得.. 有點不太好意思… 由於個人唔食生野.. jenny又唔食海鮮..  好似覺得其他人都在千就我地咁.. 下次都係應該….

最後仲食埋甜品先散場…又真係幾唔錯…

p.s..  已經一邊打.. 一邊鬆根..  點解今日起身都全身痛的 @@  不明白… 每次開波睇邊個發球先既.. 個波落地時都係指住對方果邊… 咁黑仔既 一人一…

現在星期三, 五的晚上都有活動..  事緣..  應該說是5,6年前既事..  四舅父跟了葉問既長子葉準學詠春..  直到他的師傅離開了後..  見佢好唔開心..  就同佢玩下.. 點知玩到而家..  真係開始有興趣上來..

記得小時候..  熊人好多病..所以佢8歲果年就去左學跆拳..  6歲既我就咁跟埋去..  一學.. 就學到中三.. 中四去左英國..就停左了.. 最後既下場係..  對腳好粗..  冇計.. 跆拳9成係腳技..  

到去了英國..  又誤打誤撞跟了一個做gym既教練玩一下boxing..  真係比佢秒殺左..  事後看海報.. 見倒有個world champion 既kick boxing黎左教kick boxing.. 原來就係佢 @@  佢叫owen king.. 最後大家仲做左fd..  以前屋企放既人型站立沙包都係佢幫我買..  

到番到香港.. 同jenny一齊之前.. 就去左office 附近間拳館打下泰拳..  同一齊左之後.. 就冇玩了.. 係..  就係進入左所謂既亡命暴肥期..  到最近就唔洗講了.. join左physical同小白上果d kick boxing course..  好在都叫做有d成果…

總覺得..  武術這東西是很簡單的..  也許之前學的.. 都係一些易學既直接攻擊技… 但當接觸到詠春後..  就知道咩叫難了..  當那天決定真係去學時.. 現任既掌門師兄.. 都話我地要上左佢地開既course先可以上館..  就係咁.. 我同jenny 星期三同五都有地方去..  兩人之間..  亦都多了很多話題..  

p.s 昨天跟她練格三星時..  簡單來說.. 是大家亙相用手臂去亙相撞擊..  傷就一定會的了..  事後用番d鐵打酒查番患處.. 就可以強化一下橋手了.. 點知果隻怕死又怕痛既張大豬竟然打打下縮手..  攪到我撞左上去佢手探度… 隻手瘀到而家都未好番 @@  有趣的是.. 我地而家見倒四舅父要叫佢做師叔 @@

台灣之旅 四..

到了士林夜市後..  覺得..  台灣人真係好鐘意 ‘夜市’..  2月14的晚上.. 我地冇去食一餐浪漫既dinner..  反而去左食雞屁股同豪大大雞扒..  成個夜市都係人..  要排隊買雞扒都要掛10分鐘..  我就係用左呢段時間去左買炭燒雞屁股…  一串五粒..  唔好講笑..  真係好好好食 @@  Jenny都食左2粒..  之後塊雞扒就大穫了..  一塊已經 = 十幾盒麥樂雞..  10分鐘都食唔完..  最後果五份一真係攪唔掂.. 放棄左了..  飲料方面..  一杯萄圖汁..  jenny飲苦瓜汁..  好明顯我連龜龜糕都食唔倒既.. 飲左一啖已經反肺 一o一..

30 台幣既一客臭豆腐..  即係 7,8蚊左右..  竟然有一大碟..  仲要有我最憎食既椰菜做伴碟..  完全諗唔倒..  最後再買左一大堆野食..  之後就番酒店.. 散晒了…

第日起身..  jenny又係起唔倒身食早餐..  真係唔知點解..  起台灣訓4,5個鐘已經好有精神..  食完準備去地圖諗住自己一個人出去果個假日農場攤擋睇下的..  點知果舊野都要去埋..  等得佢攪掂..  都已經係半/成個鐘既事了..

不幸的事發生了..  當去到目的地後..  發覺搵極都搵唔倒.. 原來裝修中.. 成個market冇左..  真黑仔 @@  咁jenny要去買手信既李家大房鳳梨酥又未開..  所以去左春水堂飲珍珠奶茶..  杯奶茶.. 最少應該都有成公升..點飲呀 @@

最後..我地都係去左西門.. 見野就食..  蜂大咖啡..cheese cake..4份1隻鵝 (超過份..咁都吞倒入口).. 仲要起combo 去蛋蛋屋食多個蛋包飯..  不過亦都因為買手信而又點風波..  而家我地係去旅行..  而唔係做妹仔去幫人買手信..  你話買黎自己食都話.. 唉..  最攪笑係幫佢d阿嫂買完之後竟然intend去拎都冇.. 呢d係後話.. 哼…

到令一日起身之後..  仲要去酒店食多個大雪糕先去婚紗店..  起果度放底左我地d行李後.. 就去搵一間..  係 ‘頂太風’ 既師傅開既小籠包店..   比起真正‘頂太風’食既小籠包係一樣的..  不過價錢都係 twd 90 8個.. 差唔多20 都唔洗.. 我地恐怖地叫左 3 籠..  其中一籠仲係蟹粉果隻..  真係好好食.. (蟹粉要twd160)  食到最後攪唔掂.. 又怕晒野.. 所以都係猜左佢算了..  

食完之後..就去婚紗店 choose相了..  原本只計劃著選50張..  最後選多了50張..  一生人一次..  如果能負擔得起既..  就唔好再看 $了..  有很多東西.. 是錢買唔倒既..  唔唔.. 

有想過嗎..  幻想著有一天..  身邊的人會穿著婚紗站在你的身旁..  

2008年12月21日..  是我跟jenny的兩周年..  我一早已在網上買了戲票..  Twilight.. 即係吸血新世紀..  睇戲之前… 還有半小時..  我們分頭行事.. 各自各shopping..  不過我眼角見倒jenny靜靜地跟著我… @@...  好在之後都冇…  我用最高的速度行動了..  之後就…

半小時後跟jenny入去戲院..  果套野真係好好睇..  好期待佢既績集.. (事後買了twilight既中文版 1, 2,3集.. 在台灣買了英文版1-4)  睇完戲之後.. 我就跟jenny講我要去toilet..  仲係人生大事果隻..  then推左佢去一個最多人既女廁..  對拖時間黎講真係一流的..  

我用最高的速度..  唔知係唔係聖誕.. 真係好多人.. 所以盡閃..  撞倒人都..  冇計了.. 因為時間真係好少..  在睇戲前的半小時.. 我了去六x 選了一隻心型的鑽介..  這是jenny跟我好早以前已說過的..  當初我跟她說女人真的太無聊.. 咁貴既野都會買..  同事跟我說..  買鑽石最少都要有張証書先好買…  我好少接觸呢樣野… 應該係話.. 對呢方面既知識 = 0.. 到我入到去睇左幾間先知.. 原來要有番一定的 ‘卡’ 數 先可以買到有証書的.. 仲要係心型..  自問自己的事業還是.. 所以只好盡自己的能力..  好在1月出雙糧..  買完之後.. 佢比左舊野我..  話可以睇到鑽石邊的字…可以對番張証書..  完全睇唔倒 @@  之後佢整落部機度..  唔..  不過看見約定的時間還有剩下3分鐘.. 所以叮囑佢2小時睇完戲後就會黎collect..  

當跑到去果間店時.. 那店員已經準備好了..  仲可以做埋vip..  不過填得太急.. 張卡最後都唔知寄唔寄倒比我 @@   當我衝番去男廁時..  見倒jenny起男廁門口..  多得佢既 ‘合作’..  攪到要衝多一層落樓下..  之後打比佢.. 話男廁太多人.. 所以番左去下面既toilet..  果時都跑到面都紅晒… 佢應該會相信吧…  番屋企既途中.. 佢不斷想check我個袋.. 想知我今年會送咩比佢..  我跟她說.. 係一部可以起有wifi既地方上網既net book…  不過佢唔信…唔…

那天.. 是冬至.. 亦是我在這空間最後一次接觸我的麻麻..  佢今晚黎左我屋企食飯..  上屋企前經過一個小小的公園..  沒有人..靜靜的..  當時心入面有很多問題..  我愛她嗎..  我能放底所有的過去嗎..  沒有好好珍惜過的人..  若果有一天會再給我多一次機會我會點呢..  她胡思亂想的問題會慢慢地再現嗎..  解答完那些問題後.. 便將準備好的 ‘驚喜’ 交給了她..  

以前想過很多種不同的求婚方式..  像拍戲那些人一樣.. 在眾多人面前單膝下跪.. 在很多人群經過的地方在大屏幕上放一頁愛的宣言..  想不到到了現在.. 總是覺得.. 簡簡單單便是一種追求著的幸福..  不需要追求著激情.. 平平淡淡的愛已很好.. 煙酒的地方.. 老人家受不起.. 在家陪小狗好過..  跟著我的女人會因此而悶嗎..  

當介子套在她的無名指上時..  心裡想著.. 這一次我會令對方失望嗎..  我已經很久沒有跟其他人說將來了..  

直到2009年2月14日.. 看著她那幸福的笑容.. 身上穿著的婚紗.. 希望沒有令她失望吧..